У Нямеччыне 6 студзеня распачнецца Тыдзень малітвы. Чакаецца, што некалькі соцен тысяч хрысціянаў прымуць удзел ў сумеснай малітве. Сёлета тыдзень малітвы праходзіць пад назвай “Таму, што Ён жывы” і прысвечаны Ўваскрасенню Ісуса Хрыста. Мэта мерапрыемства заклікаць людзей маліцца.
Тыдзень малітвы пройдзе ў 25 краінах Еўропы. Арганізатарам выступіў Евангелічны саюз, арганізацыя, якая з 1846 году аб’ядноўвае розныя кірункі ў пратэстантызме. У леташнім тыдні малітвы ўдзельнічала 350 тысяч чалавек. Не менш удзельнікаў чакаецца і сёлета. Тыдзень малітвы праходзіць у 162 раз і завершыцца 13 студзеня.

Метадысцкая царква Брытаніі заклапочана злоўжываннем спіртных напоеў ў сваёй краіне. Яна заклікае ўрад перагледзіць ліцэнзаванне, а таксама ўхваліць ініцыятывы, якія б дапамагалі людзям трымацца меры ў спіртных напоях і шукаць альтэрнатывы алкаголю. Сакаратар па грамадскаму жыццю і сацыяльнай справядлівасці ў метадысцкай царкве Вялікабрытаніі сказала: “Раство і Новы год гэта перыяд, калі людзі жадаюць святкаваць і большасць з іх п’е памяркоўна. Але апошнія два тыдні засведчылі, што ў нас ёсць значня праблемы з п’янствам і гэта зноў прывяло да непрыемнасцяў для снргіх і росту колькасці злачынстваў і няшчаных выпадкаў”.

У выніку экуменічнай сустрэчы ў Хельсінкі, арганізаванай інтэрнэт-выданнем Uusi kotimaa (“Новая радзіма”) і Baznica.info было дамоўлена аб актыўным супрацоўніцтве паміж рускімі хрысцінамі Фінляндыі, якія належаць да розных канфесіяў. Запланавана выданне міжхрысціянскага экуменічнага часопіса з удзелам праваслаўных, лютэранаў і пяцідзясятнікаў. Удзельнікі названай сустрэчы з РПЦ МП атрымалі запрашэнне на пастаноўку “Машына часу”, прысвечаную святу Раства, падрыхтаваную для дзяцей у пяцідзясятніцкім цэнтры.

2 студзеня ў маскоўскім храме св. апостала Фамы распачаўся новы праект – курсы вулічных праваслаўных місіянераў. Удзельнікі курсаў атрымаюць неабходныя веды, каб знайсці падыходы да розных сацыяльных, узроставых, прафесійных і нацыянальных групаў.

У Бразіліі штогод, у час каляднага посту праходзяць япіскапскія акцыі. Сёлетняя акцыя праходзіць пад назвай: “Апосталы і пасланнікі”. Вікарый Рыа-дэ-Жанэйра і генеральны сакратар Бразільскай япіскапскай канферэнцыі Дзімаш Лара Барбоза так патлумачыў сутнасць акцыі: “Нам – вернікам, дадзена міласць ведаць і любіць Ісуса і таму наша задача заключаецца ў перадачы добрай весткі усім, хто яшчэ яе не ведае”. Такім чынам, акцыя заклікана нагадваць хрышчаным вернікам краіны пра іх ролю ў евангелізацыі і ўдзеле ў жыцці царквы.
Agnuz.info